Sumisikip ang Syudad, Para sa Maralita

Magtatayo ng mga gusali,
palalawakin ang mga kalsada,
unti-unting isesemento
ang mga lupa – sumisikip

ang siyudad,
para sa maralita.

Susunugin ang kanilang
komunidad, ide-demolish
ang mga barong-barong:

“Palayasin ang mga squatter!”

Hayaan silang
magutom at
mamatay,

o di kaya’y
patayin nalang.

Sumisikip ang siyudad,
para sa maralita.

Saan kaya muling itatayo
ang kanilang mga tahanan?

(Kuha ni master Resty ang larawan)